Draum

I diktet "Draum", utgjeve fyrste gong i 1878, møter me dei tre gygrene som held til i fjella rundt Flatdal. Tårån i Trappin bur i Skorve, Glima i Rupedalen bur på Mælefjell og Ljose-Signe held til i Bindingsnuten. I Sigurd Nilsson Telnes (Nes) sin fantasi let han Tårån vakne upp att etter å ha sove i 800 år. Mykje er endra, men ho kan minnast som det var i går, at Heilag Olav mana mannen hennar til stein. Stor er undringa hjå alle dei tre systrene over endringane i tida. Det var dette diktet "Draum" som gav Torkjell Haugerud inspirasjonen til slåttane: Tårån i Trappin, Glima i Rupedalen og Ljose-Signe i Bindingsnuten.